कपिलवस्तुमा अज्ञात समूहद्वारा एक जनाको गोली हानी हत्या

कपिलवस्तु । गोली प्रहारबाट कपिलवस्तुको मायादेवी गाउँपालिका–६ मदरहवा गाउँमा एक जनाको ज्यान गएको छ ।

अज्ञात समूहले चलाएको गोली लागेर स्थानीय ५५ वर्षीय घुरहु भनिने राम समुझ पासीको ज्यान गएको हो ।

पासीमाथि किन र के कारणले कसले ज्यान लिएको हो कारण पत्ता लाग्न सकेको छैन । गोली लागेर ढलेका पासी रम्ताम्य अवस्थामा थिए ।

उनलाई स्थानीयले देखेपछि कपिलवस्तु अस्पताल तौलिहवा लगेका थिए । उनलाई अस्पतालले मृत घोषणा गरिसकेको कपिलवस्तुका प्रमुख जिल्ला अधिकारी धर्मेन्द्रकुमार मिश्रले जानकारी दिएका छन्

प्रहरीले घटनाबारे अनुसन्धान गरिरहेको जनाएको छ ।