संविधानको प्रावधानअनुसार नै नागरिकता ऐन संशोधन विधेयक आएको होः गृहमन्त्री खाण
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/09/balkrishna-khand-rastriya-sava.jpg)
काठमाडौं । गृहमन्त्री बालकृष्ण खाणले नेपाल नागरिकता ऐन, २०६३ संशोधन गर्न बनेको विधेयक संविधानको व्यवस्थाअनुसार नै आएको बताएका छन् । प्रतिनिधिसभाको आजको बैठकमा विधेयकमाथिको छलफलका क्रममा बोल्दै उनले यस्तो बताएका हुन् ।
‘यो विधेयक संविधानको व्यवस्थाअनुसार नै आएको हो’, उनले भने, ‘नागरिकता नपाएर असहज जीवन बिताइरहेकाहरूलाई नागरिकता दिलाउन यो विधेयक ल्याइएको हो ।’
उनले अघिल्लो सरकारले विधेयक लामो समय राज्य व्यवस्था तथा सुशासन समितिमा छलफल भएको र छलफलपछि प्रतिवेदन आउँदा पनि सहमति नजुटेपछि अर्को विधेयक ल्याउनुपरेको बताए ।
गृहमन्त्री खाणले भने, ‘त्यो विधेयकलाई अगाडि बढाउने र पारित गरेर कानून बनाउने संसदभित्रै प्रयास गरेको हो । तर, सकिएन । त्यसकारण फिर्ता लिनुपरेको हो ।’