प्रदीप पौडेल भन्छन्– त्रिविले गरिमा गुमाउनै लागिसक्यो, ध्यान कसैको गएन

काठमाडौं । नेपाली कांग्रेसका युवा नेता प्रदीप पौडेलले त्रिभुवन विश्वविद्यालयलाई राजनीतिक भागबन्डाको केन्द्र बनाइँदा त्यसको गरिमा गुम्न लागेको बताएका छन् । आज एक ट्वीट सार्वजनिक गर्दै उनले यस्तो बताएका हुन् ।

‘सेन्टर फर एक्सिलेन्स’ बनाउने घोषणा गरिएको त्रिवि राजनीतिक भागबन्डाको मात्रै सेन्टर भएको छ’, उनले लेखेका छन्, ‘वर्षौंदेखिका अनेकौं समस्याहरूको ठूलो चाङले त्रिविले आफ्नो गरिमा गुमाइसक्न लाग्दा पनि यसबारे कसैको ध्यान जान सकेको छैन ।’

विश्वविद्यालय सुधारका निर्णायक कदम चाल्न जरुरी रहेको पनि उनले थप उल्लेख गरेका छन् ।