कांग्रेस पदाधिकारी बैठक आज

काठमाडौं । नेपाली कांग्रेसको पदाधिकारी बैठक आज बस्दैछ । भोलि तय गरिएको केन्द्रीय समिति बैठकका एजेण्डा तयार गर्न सानेपास्थित केन्द्रीय कार्यालयमा दिउँसो बैठक बोलाइएको हो ।

यसअघिको बैठकमा निर्वाचन कानून मस्यौदाबारे छलफल भएको थियो । उम्मेदवारी दर्तादेखि मतगणनाका लागि गरिने व्यवस्थालाई समावेश गरेर निर्वाचन आयोगले प्रस्ताव गरेको विधेयकको बारेमा समेत बैठकमा प्रारम्भिक छलफल गरिएको थियो ।

बैठकमा म्याद सकिएका भ्रातृ तथा शुभेच्छुक संस्थाले मान्यता पाऊँ भनी पार्टीमा दिएको निवेदनका बारेमा पनि छलफल हुने बताइएको छ ।