चलचित्र ‘बाबरी’मा सुजन चाँपागाईको स्वर र संगित रहेको ‘चुलबुल चुलबुल’ बोलको गीत सार्वजनिक (भिडियाे)

काठमाडैं । भाद्र ३१ गतेबाट प्रदर्शनको तयारीमा रहेको सिनेमा ‘बाबरी’ को ‘चुलबुल चुलबुल’ बोलको गीत सार्वजनिक भएको छ । केन्द्र मोशनबाट रिलिज भएको उक्त गीतमा अभिनेत्री अदिती बुढाथोकी र धिरज मगरलाई फिचर्ड गरेका छन् ।

सुजन चाँपागाईको संगीत तथा रविन्द्र लामिछानेको शब्द रचना रहेको गीतमा संगीतकार चापागाई र सुनिता थेगिमको स्वर रहेको छ। ‘बाबरी रंगमा’ बोलको गीतले दर्शकमाझ राम्रो हाइट बनाएकाले यो गीतले पनि दर्शकको मन जित्नेमा निर्माण टिम विश्वस्त देखिन्छ ।

त्रिकोणात्मक प्रेमकथामा आधारित सिनेमालाई सुरेन्द्र पौडेलको निर्देशन गरेका हुन् भने पटकथा तथा संवाद रित सिंह बोहोरा, सिजन दाहाल, मनोज त्रिपाठी र किशोर नेपालले मिलेर लेखेका हुन् । सिनेमा भाद्र ३१ गतेबाट नेपालभर रिलिज हुनेछ ।

सिनेमामा अभिनेत्री अदिती बुढाथोकी र धिरज मगरसहित धिरज नाडकर, बादल भट्ट, कमणमणी नेपाल, उर्मिला बस्नेत, ध्रुव कोइराला, सुनिता श्रेष्ठ, नितेश गुरुङ, त्रिशला तामाङ, दीलिप गुरुङ लगायतका कलाकारको पनि अभिनय रहेको छ ।