नेकपा एस सम्पूर्ण रूपमा चुनावमा होमिने, यस्ता छन् केन्द्रिय परिषद्का १५ निर्णय

काठमाडौं । आगामी प्रतिनिधिसभा र प्रदेश सभा चुनावमा होमिने निर्णयसहित नेकपा एकीकृत समाजवादीको केन्द्रीय परिषद् बैठक सम्पन्न भएको छ ।

दुई दिन चलेको बैठकले १५ वटा प्रस्ताव पारित गरेको प्रचार विभाग प्रमुख जगन्नाथ खतिवडाले जानकारी दिए ।

बैठकका निर्णय सुनाउँदै उनले भने, ‘देशका सबै कुनामा नेकपा एसका उम्मेदवारहरू पुर्‍याउने र घर–घरमा कलम लिएर जान आह्वान गरिएको छ । हाम्रो पार्टी आजबाट चुनावमा होमियो ।’

पार्टीले दैनिक उपभोग्य वस्तुको मूल्य नियन्त्रण गर्न सरकारलाई आग्रह गरेको छ । पेट्रोलियम पदार्थको मूल्य घटाउने निर्णयको बैठकले स्वागत गरेको खतिवडाले जनाए ।

यस्तै किसानका लागि आवश्यक मल आपूर्ति सुनिश्चित गर्न पनि आग्रह गरिएको उनले जानकारी दिए ।

अबको दुई महिनामा हामी देशव्यापी संगठन सुदृढीकरण तथा विस्तार अभियानमा लाग्ने पनि खतिवडाले बताए ।

स्थानीय चुनावमा महानगर र उपमहानगरमा गठवन्धन सफल भएको तर त्योभन्दा तल आफ्नो पार्टीलाई कर्नरमा पार्न खोजिएको समिक्षा वैठकले गरेको उनको भनाइ छ ।

‘यसलाई करेक्सन गरेर गठवन्धनलाई अगाडि बढाउनुपर्छ भन्नेमा हामी प्रतिवद्ध छौं ।’

बैठकमा वाम ध्रुविकरणको विषयमा पनि चर्चा भएको उनले बताए ।

‘छरिएर नबसौं भनेर हामीले आह्वान गरेका छौं । वामहरुको एउटा ध्रुव बनाउन सक्छौं कि सक्दैनौं भनेर छलफल अगाडि बढाउन चाहन्छौं ।