जोर्डनमा विषाक्त ग्यास ‘लिक’ हुँदा १० जनाको मृत्यु, २५१ घाइते
नेपाल प्रेस
२०७९ असार १४ गते १२:२२
काठमाडौं । जोर्डनको अकाबा बन्दरगाहमा एउटा ट्याङ्करबाट विषाक्त ग्यास लिक हुँदा कम्तीमा १० जनाको मृत्यु भएको छ भने २५१ जना घाइते भएका छन् ।
स्थानीय सञ्चारमाध्यमका अनुसार सोमबार राति अकाबा बन्दरगाहमा क्लोरिन ग्यास बोकेको ट्याङ्कर क्रेन नजिकै पुगेर विस्फोट भएसँगै उक्त घटना घटेको हो ।
विषाक्त ग्यास पर्यावरणमा मिसिए पछि हाल जोर्डन सरकारले आफ्ना नागरिकहरुलाई झ्याल ढोका बन्द गरी घर भित्रै रहन आग्रह गरेको छ । रिपोर्टका अनुसार कर्मचारीको गल्तीका कारण उक्त घटना घटेको हो ।
क्लोरिन ग्यासको सिलिण्डर लोड गर्ने क्रम भुइमा खसे पछि विस्फोट भएको थियो । सो समयमा थप २५ सिलिण्डर घटनास्थलमै रहेको जनाइएको छ ।
नेपाल प्रेस
प्रकाशित: २०७९ असार १४ गते १२:२२
प्रतिक्रिया
सम्बन्धित खवर
