आयोजक नेक्सस फाइनलमा
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/06/289639984_589815346051354_562631067197834659_n.jpg)
काठमाडौं। आयोजक नेक्सस क्रिकेट एकेडेमी यु–१६ नेक्सस कप टी– २० क्रिकेट प्रतियोगितामा फाइनल प्रवेश गरेको छ ।
बाग्मती प्रदेश खेलकुद विकास परिषद्को सहकार्यमा भइरहेको प्रतियोगिताको सेमिफाइनलमा सोमबार नेक्ससले ग्रेट हिमालय क्रिकेट एकेडेमी (जिएचसीए), ललितपुरलाई २८ रनले पराजित गर्यो ।
मूलपानी क्रिकेट मैदानमा भएको खेलमा टस जितेर पहिला फिल्डिङ गरेको जिएचसीएलाई नेक्ससले निर्धारित २० ओभरमा १ सय १० रनको योगफल तयार पारेको थियो ।
एक सय ११ रनको लक्ष्य पाएको जिएचसीए १८।२ ओभरमा ८२ रनमा समेटियो । जिएचसीएका लक्की कठायतले १७ रन बनाए । नेक्ससका रोहन साहले ३ विकेट हात पारे ।
पहिला ब्याटिङ गरेको नेक्ससका उत्तम थापा मगरले १ चौका र २ छक्का प्रहार गर्दै ४५ बलमा ४४ तथा रोहन साहले २ छक्का सहयोगमा ४७ बलमा ३३ रनको योगदान गरे ।
जिएचसीएका अजय यादव र रुपेश यादवले २–२ विकेट लिए ।
उपाधिका लागि नेक्ससले मङ्गलवार अपन राधेमाई युवा क्लबसँग खेल्ने छ । आइतबार भएको सेमिफाइनलमा राधेमाईले कैलालीको घोडाघोडी क्रिकेट एकेडेमीमाथि ९० रनको सहज जित दर्ता गर्दै फाइनल पुगेको थियो ।