एमालेसँगको सहमति कार्यान्वयन गर्छौं : जम्कट्टेल – Nepal Press

एमालेसँगको सहमति कार्यान्वयन गर्छौं : जम्कट्टेल

हेटौंडा । बागमती प्रदेशका आर्थिक मामिला तथा योजनामन्त्री शालिकराम जम्कट्टेलले प्रमुख प्रतिपक्षी दल नेकपा एमालेसँग भएको सहमति पूर्ण रुपमा कार्यान्वयन गर्ने बताएका छन् ।

आज प्रदेशसभा बैठकमा उठेका प्रश्नहरुको जवाफ दिँदै मन्त्री जम्कट्टेलले सरकार प्रतिपक्षीहरुसँग सहकार्य गरेर अगाडि बढ्ने प्रतिबद्धता व्यक्त गरेका हुन् ।

उनले बजेटले सबै क्षेत्र र तप्कालाई समेट्ने प्रयास गरेको उल्लेख गर्दै बजेट बनाउने क्रममा केही सीमाभित्र रहेर काम गर्दा कतिपय सन्तुलन नमिलेको हुनसक्ने स्वीकार गरे ।

मन्त्री जम्कट्टेलले सरकारले बदनियत राखेर कसैलाई पनि कर छुट दिने निर्णय नगरेको बताए ।

बैठकमा प्रमुख प्रतिपक्षी दल एमालेका प्रमुख सचेतक दीपक निरौलाले सरकारले प्रतिपक्षीले उठाएका सबै विषय सम्बोधन गर्न नसकेको बताए । सरकारले सिमेन्ट उद्योगलाई अनावश्यक रुपमा कर छुट दिने निर्णय गरेकोप्रति उनले असन्तुष्टि व्यक्त गरे ।

प्रमुख सचेतक निरौलाले बजेटलाई समावेशी र समानुपातिक बनाउन कस्तो पहल गरिने हो स्पष्ट पार्न अनुरोध गरेपछि पुनः जवाफ दिँदै मन्त्री जम्कट्टेलले बजेटलाई समावेशी र समानुपातिक बनाउन तथा प्रतिपक्षीको माग सम्वोधन गर्न सरकार प्रतिवद्ध रहेको बताएका थिए ।

प्रतिपक्षीको माग सम्वोधन गर्ने सरकारले प्रतिबद्धता जनाएपछि अवरुद्ध संसद बैठक पुनः सुरु भएको छ ।

प्रतिक्रिया

Leave a Reply

Your email address will not be published.

सम्बन्धित खवर