कार्यालयमा नबस्ने २३ कर्मचारीलाई लहान नगरपालिकाले सोध्यो स्पष्टीकरण
नेपाल प्रेस
२०७९ असार १२ गते १८:०५
जनकपुरधाम । सिरहाको लहान नगरपालिकाले कर्मचारीहरू समयमा कार्यालय नआउने गरेको र आएका कर्मचारी पनि कार्यालयमा नबस्ने गरेको पाइएको छ ।
आइतबार मेयर महेश चौधरीले कार्यालयको छड्के गर्दा अधिकांश कर्मचारी अनुपस्थित देखिए ।
प्रशासन शाखालाई समेत जानकारी नगराएर २३ कर्मचारी अनुपस्थित रहेको मेयर चौधरीले बताए ।
अधिकांश कर्मचारी कार्यालयमा नभेटिएपछि उनीहरूमाथि आवश्यक कारबाही गर्न प्रमुख प्रशासकीय अधिकृतलाई निर्देशन दिएको मेयर चौधरीले जानकारी दिए ।
अनुपस्थित रहेका कर्मचारीहरूलाई प्रमुख प्रशासकीय अधिकृत खेम नन्द भुसालले २४ घण्टे स्पष्टीकरण सोधेका छन् ।
नेपाल प्रेस
प्रकाशित: २०७९ असार १२ गते १८:०५
प्रतिक्रिया
सम्बन्धित खवर
