चेस ओलम्पियाडका लागि खेलाडी छनोट
नेपाल प्रेस
२०७९ असार ११ गते १९:३६
काठमाडौं । चेस ओलम्पियाडको ४४ औँ संस्करणमा सहभागी हुने नेपाली खेलाडीको टुङ्गो लागेको छ ।
शनिवार काठमाडौंमा सम्पन्न छनोट खेलबाट खुला मिलन लामा, क्षितिज भण्डारी र रुपेस जयसवाल छनोट भएका हुन् ।
मिलन र क्षितिजले ५ अंक पाए भने रुपेसले ४.५ अंक पाए । वर्तमान राष्ट्रिय च्याम्पियन पुरुषोत्तम चौलागाई र शीर्ष बरिएताका विवेक थीङ स्वतः छनोट भइसकेका छन् ।
यसै गरी, महिला तर्फ कृत्तीसरा अधिकारी, अनिसा न्यौपाने, विनीता कपाली र शान्ति धिमाल छनोट भए ।
कृत्तीसराले ५.५ , अनिसा र विनीताले ५ तथा शान्तिले ४.५ अंक हात पारे । राष्ट्रिय च्याम्पियन तथा शीर्ष वरियताकी सुना लोहनी स्वतः छनोट भएकी छिन् ।
नेपाल प्रेस
प्रकाशित: २०७९ असार ११ गते १९:३६
प्रतिक्रिया
सम्बन्धित खवर
