गौरका निवर्तमान मेयर एमाले प्रवेश गर्दै, माधव नेपालसँग संसदीय चुनाव लड्ने

रौतहट । गौर नगरपालिकाका निवर्तमान मेयर अजय गुप्ता लोकतान्त्रिक समाजवादी पार्टी (लोसपा) त्यागेर नेकपा एमालेमा प्रवेश गर्ने भएका छन् ।

मेयरको दोस्रो कार्यकालको प्रतिस्पर्धामा नेकपा एसका शम्भु साहसँग पराजित भएका गुप्ता आगामी संसदीय चुनावमा रौतहट १ बाट लड्ने गरी एमालेमा प्रवेश गर्न लागेका हुन् ।

गुप्ताको एमाले प्रवेश तय भएको र अध्यक्ष केपी शर्मा ओलीले स्वागत गर्ने रौतहट एमालेले जनाएको छ । रौतहट क्षेत्र नम्बर १ बाट यसपटक नेकपा एसका अध्यक्ष माधवकुमार नेपाल चुनाव लड्ने तयारीमा छन् ।

गौरसहित सो क्षेत्रमा पर्ने नगरपालिका नेकपा एसले जितेको र गठबन्धनका दलहरूको समेत समर्थन हुने भएकाले नेपालका लागि यसपटक रौतहट सहज देखिएको छ ।

एमालेले माधव नेपालविरुद्ध अजय गुप्तालाई अघि सार्ने तयारीस्वरूप पार्टी प्रवेश गराउन लागेको हो ।