सुर्खेतमा ५ देखि ११ वर्ष उमेरसमूहका बालबालिकालाई असार ९ बाट फाइजर खोप
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/06/288199225_375216318039357_4909706843393957651_n.jpg)
सुर्खेत । जनस्वास्थ्य सेवा कार्यालय सुर्खेतले असार ९ गतेदेखि १५ गतेसम्म सुर्खेतमा पाँच वर्षदेखि ११ वर्ष उमेर समूहका बालबालिकालाई कोरोनाविरुद्धको फाइजर खोप लगाउने भएको छ ।
कार्यालयका प्रमुख गणेशभक्त गौतमका अनुसार असार ९ गतेदेखि लगाउने तयारी भइरहेको बताए ।
उनले त्यसका लागि जिल्लाका सबै स्वास्थ्यकर्मीहरूलाई तालिम पनि दिइसकिएको उल्लेख गरे । अहिले असार ९ गतेदेखि १५ गतेसम्म विद्यालयमै बालबालिकालाई खोप लगाइनेछ भने छुटेकालाई अन्तिम दिन स्वास्थ्य केन्द्रमा खोप लगाइने उनको भनाई थियो ।
पहिलो खोप लगाएको २१ दिनदेखि २८ दिनपछि दोस्रो मात्राको खोप लगाइनेछ । कार्यालयको तथ्यांक अनुसार जिल्लाको कूल जनसंख्या ३ लाख ६१ हजार ८३५ मध्ये ५ वर्षदेखि ११ वर्ष मुनिका बालबालिकाको संख्या ४९ हजार ६१९ रहेको छ । यही संख्यालाई फाइजर खोप लगाइनेछ ।
जसमध्ये बराहताल गाउँपाकिलामा चार हजार २४ जना, भेरीगंगा नगरपालिकामा ६ हजार ६९ जना, वीरेन्द्रनगर नगरपालिकामा ११ हजार ५५२ जना, चौकुने गाउँपालिकामा चार हजार ४७६ जना बालबालिकालाई फाइजर खोप लगाइनेछ ।