झापामा रतुवा खोलाको बाढी बस्तीमा पस्यो
![](https://www.nepalpress.com/wp-content/uploads/2020/11/nepalpress-logo-n.png)
२०७९ असार ६ गते ८:५७
![](https://www.nepalpress.com/wp-content/uploads/2022/06/ratuwa-khola.jpg)
फाइल तस्बिर ।
झापा । लगातारको वर्षासँगै रतुवा खोलामा आएको बाढी बस्तीमा पसेको छ । बाढीको कटानका कारण दमक नगरपालिका-१७ रेडक्रस भवनपछाडिको बस्तीमा बाढी पसेर घरहरू डुबानमा परेको प्रहरीले बताएको छ ।
गएराति करिब १० बजे आएको बाढी बस्तीमा बाढी पसेपछि डुबानमा परेका १३ जनालाई सुरक्षित स्थानमा सारिएको झापाका डीएसपी वसन्त पाठकले जानकारी दिए ।
त्यस्तै मध्यरातमा रतुवाकै बाढी गौरादह नगरपालिका-६ टंगुवा बस्तीमा पसेपछि २५ घरजति डुबानमा परेको प्रहरीले बताएको छ । यहाँ करिब २ फिट पानी जमेको तर पानी घट्ने क्रममा रहेकाले जोखिम भने कम छ ।
प्रतिक्रिया