‘सम्हालिन्छ कहिले मन’ को जरुरी कुरा सार्वजनिक

काठमाडौं । कहिले प्रेमचर्चा त कहिले ब्रेकअपको चर्चाले नेपाली सिने जगतको माहोल तताइराख्ने पूजा-आकाश जोडीको नयाँ चलचित्र ‘सम्हालिन्छ कहिले मन’ को एउटा गीत आज सार्वजनिक भएको छ ।

ओएसआर डिजिटलबाट सार्वजनिक भएको यो चलचित्रको ‘जरुरी कुरा छ’ बोलको गीतमा अन्जु पन्त र सुरेश लामाले स्वर दिएका छन भने शब्द सुरेश वाग्ले र संगीत अर्जुन पोखरेलको रहेको छ । विदेशी भूमिका दृश्य र प्रेमभाव झल्किने उक्त गीतमा पूजा शर्मा र सोनम थोप्डेनको अभिनय छ ।

भदौ बाट रिलिज हुन लागेको यो चलचित्रमा पूजा शर्मा र आकाश श्रेष्ठसँगसँगै सोनम थोप्देनलाई पनि मुख्य भूमिकामा देख्न सकिनेछ । चलचित्रलाई सुदर्शन थापाले निर्देशन गरेका हुन् ।