जिसस भोजपुरमा गठबन्धन विजयी, एमालेका बागी अध्यक्षले मतदान गरेनन्
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/06/286455691_346151887632263_7922288096340971017_n.png)
भोजपुर । जिल्ला समन्वय समिति भोजपुरको प्रमुख उपप्रमुखसहित सबै पदमा गठबन्धनका उम्मेदवार विजयी भएका छन् ।
शनिवार भएको निर्वाचनमा प्रमुख पदमा गठबन्धन दलको तर्फबाट नेपाली कांग्रेसका कमल थुलुङ राई र उपप्रमुखमा गठबन्धन दलको तर्फबाट माओवादी केन्द्रबाट अनिशा खड्कासहित सबै सदस्य पदमा गठबन्धन विजयी भएका हुन् ।
यस्तै सदस्यहरूमा दलित वा अल्पसंख्यक सदस्य लादिकी शेर्पा, महिला सदस्य गोमादेबी राई नेकपा माओवादी केन्द्रबाट, सदस्य जीवन किराँती राई र सदस्य चन्द्रकुमार राई जनता समाजवादी पार्टी नेपाल, सदस्य दीर्घ कुमारी कार्की, विनोद मगर नेपाली कांग्रेस महिला सदस्य राधिका तामाङ नेपाली कांग्रेसबाट निर्वाचित भएका हुन् ।
जिसस निर्वाचनमा स्वतन्त्रबाट साल्पासिलिछो गाउँपालिका अध्यक्ष जितेका दौलथ कुलुङ भने सहभागी भएनन् । उनी एमालेको बागी उम्मेदवार बनेर जितेका हुन् ।