जिसस दैलेख: प्रमुखमा कांग्रेसका शाहीको बागी उम्मेदवारी, एमालेले सघाउनेबारे छलफल

सुर्खेत । जिसस दैलेखको निर्वाचनमा प्रमुख पदका लागि गठबन्धनबाट बागी उम्मेदवारी परेको छ । सत्ताघटक तीन दलबीच चुनावी तालमेल भएको दैलेखमा नेपाली कांग्रेसका तर्फबाट जिल्ला उसभापति नमराज शाहीले बागी उम्मेदवारी दिएका हुन् । जिससमा एकलौटी जित्ने आश गरेको गठबन्धनलाई शाहीको उम्मेदवारीले गम्भीर धक्क दिएको छ ।

यसपटक उनले जिल्ला समन्वय समितिको प्रमुख बन्नकै लागि वडा सदस्यमा उम्मेदवारी दिएका थिए । कांग्रेस एक्लै चुनाव लड्नुपर्नेमा जोड दिँदै आएका शाहीले पार्टी भित्रैबाट घात भएका कारण बागी उम्मेदवारी दिनुपरेको बताएका छन् ।

शाहीलाई एमालेले समर्थन गर्नेगरी छलफल भइरहेको नेताहरुले बताएका छन् ।

२०५८ सालदेखि २०६१ सालसम्म माओवादी द्वन्द्वका कारण घरबार छोडका उपसभापति शाही इमान्दार नेताको रुपमा चिनिँदै आएका छन् ।