निर्वाचनको समीक्षा गर्न नेकपा एसले खटायो सात नेता

काठमाडौं । नेकपा एकीकृत समाजवादीले स्थानीय निर्वाचनबारे समीक्षा प्रतिवेदन तयारीका लागि प्रदेशस्तरीय कार्यदल बनाएको छ ।

हिजो र आज बसेको सचिवालय बैठकले भर्खरै सकिएको स्थानीय निर्वाचनमा पार्टी र गठबन्धन दलको भूमिकाको सूचना संकलन, विश्लेषण गरी स्थायी कमिटी बैठकमा पेस गर्ने गरी प्रदेशगत रूपमा ७ जना नेतालाई जिम्मा दिइएको छ ।

बैठकले निर्वाचनमा विजयी आफ्ना उम्मेदवारहरूलाई असार ४-५ मा काठमाडौंमा राष्ट्रिय अभिमुखिकरण कार्यक्रम गर्ने भएको छ ।

त्यस्तै यस वर्ष औसतभन्दा बढी वर्षा हुने मौसमविद्हरूको पूर्वानुमान रहेकोतर्फ ध्यानाकर्षण भएको भन्दै विपद् पूर्वतयारी र प्रतिकार्यमा लाग्न पार्टी पंक्तिलाई निर्देशन दिइएको छ ।