सुर्खेतका नौ र दैलेखका ११ पालिकाले कति-कति पाए बजेट ?

सुर्खेत । संघीय सरकारले कर्णालीका ७९ ओटै पालिकामा आगामी आर्थिक वर्ष २०७९–८० का लागि बजेट पठाएको छ ।

दैलेखको आठबीस नगरपालिकाले ३६ करोड ५१ लाख, दुल्लु नगरपालिकाले ५५ करोड ४१ लाख, चामुण्डा विन्द्रासैनी नगरपालिकाले ३२ करोड ८६ लाख बजेट पाउँदा नारायण नगरपालिकाले ४३ करोड ४९ लाख पाएको छ ।

यस्तै, गुराँस गाउँपालिकाले ३९ करोड ४८ लाख, ठाटीकाँधले २७ करोड ४६ लाख, डुंगेश्वर गाउँपालिकाले २६ करोड ८४ लाख बजेट पाएको छ ।

त्यस्तै, नौमुलेले ३५ करोड ५९ लाख, भगवतीमाई गाउँपालिकाले ३२ करोड ७३ लाख, भैरवी गाउँपालिकाले २७ करोड ९१ लाख र महावु गाउँपालिकाले २९ करोड २४ लाख बजेट पाएका छन् ।

सुर्खेतको वीरेन्द्रनगर नगरपालिकाले ८१ करोड २२ लाख बजेट पाउँदा गुर्भाकोट नगरपालिकाले ५१ करोड ८६ लाख पाएको छ ।

पञ्चपुरी नगरपालिकाले ४३ करोड ९९ लाख बजेट पाउँदा लेकबेशी नगरपालिकाले ४४ करोड ४२ लाख बजेट पाएको छ । भेरीगंगा नगरपालिकाले ४७ करोड २९ लाख बजेट पाएको हो ।

गाउँपालिकातर्फ चिङ्गाडले २६ करोड ७५ लाख बजेट पाउँदा चौकुनेले ३८ करोड ३६ लाख बजेट पाएको छ ।

त्यस्तै, बराहताल गाउँपालिकाले ४० करोड ७३ लाख बजेट पाउँदा सिम्ता गाउँपालिकाले ४१ करोड ४२ लाख बजेट पाएको हो ।