स्थानीय चुनावको मैझारो: ३५,०४५ पदमा कुन दललाई कति ? (विवरणसहित) – Nepal Press

स्थानीय चुनावको मैझारो: ३५,०४५ पदमा कुन दललाई कति ? (विवरणसहित)

काठमाडौं । वैशाख ३० गते सम्पन्न स्थानीय तह निर्वाचनको अन्तिम नतिजा लगभग आइसकेको छ । देशभरका ७५३ स्थानीय तहमध्ये एक नगरपालिकाबाहेक सबैको अन्तिम नतिजा आइसकेको छ ।

बाँकी रहेको बाजुराको बूढीगंगामा मत गणना नै सुरू भएको छैन । यसरी देशभरका ६ हजार ७४३ वडामध्ये ६ हजार ७३३ वडाको अन्तिम नतिजा आएको छ ।

अहिलेसम्म आएको नतिजाअनुसार देशभरबाट कुल ३५ हजार ४५ जना जनप्रतिनिधि निर्वाचित भएका छन् । जसमा २४ वटा पार्टीले विभिन्न पदहरूमा खाता खोलेको देखिएको छ ।

जसमा सबैभन्दा बढी नेपाली कांग्रेसले १३ हजार ७५८ पद जितेको छ । १४१ मेयर, १८८ गाउँपालिका अध्यक्ष, ११० उपमेयर, १९० गाउँपालिका उपाध्यक्ष कांग्रेसले जितेको छ । यस्तै २ हजार ६६५ वडाध्यक्ष, २ हजार ६०६ महिला सदस्य, २ हजार ५५१ दलित महिला सदस्य, ५ हजार ३०७ खुला सदस्य कांंग्रेसले जितेको छ ।

त्यसपछि ११ हजार ८९३ पद जिते नेकपा एमाले दोस्रो भएको छ । जसमा ८२ मेयर, १२३ गाउँपालिका अध्यक्ष, ११४ उपमेयर, १२६ गाउँपालिका उपाध्यक्ष, २ हजार १३० वडाध्यक्ष, २ हजार ३४५ महिला सदस्य, २ हजार २८८ दलित महिला सदस्य, ४ हजार ६८५ खुला सदस्य एमालेले जितेको छ ।

नेकपा माओवादी केन्द्रले ५ हजार ४५ पद जितेर तेस्रो भएको छ । जसमा २५ मेयर, ९६ गाउँपालिका अध्यक्ष, ३३ उपमेयर, ९५ गाउँपालिका उपाध्यक्ष जितेको छ । यस्तै १ हजार ५३ वडाध्यक्ष, ९६३ महिला सदस्य, ९७३ दलित महिला सदस्य, १ हजार ८०७ खुला सदस्य माओवादी केन्द्रले जितेको छ ।

यस्तै जनता समाजवादी पार्टी कुल १ हजार ५४८ पद जितेर चौथो भएको छ । जसमा ९ मेयर, २१ गाउँपालिका अध्यक्ष, १२ उपमेयर, १९ गाउँपालिका उपाध्यक्ष, २९५ वडाध्यक्ष, २९९ महिला सदस्य, २९६ दलित महिला सदस्य, ५९७ खुला सदस्य जितेको छ ।

यस्तै नेकपा एकीकृत समाजवादी पाँचौ ठूलो दल भएको छ । जसले कुल ९८७ पदमा विजयी हासिल गरेको छ । जसमा १२ मेयर, ८ गाउँपालिका अध्यक्ष, ११ उपमेयर, १२ गाउँपालिका उपाध्यक्ष, १९० वडाध्यक्ष, १८४ महिला सदस्य, १८० दलित महिला सदस्य, ३९० खुला सदस्य नेकपा एसले जितेको छ ।

यस्तै लोकतान्त्रिक समाजवाादी पार्टीले ५८१ पदसहित छैटौं स्थान हासिल गरेको छ । जसमा ७ मेयर, ९ गाउँपालिका अध्यक्ष, ५ उपमेयर, ७ गाउँपालिका उपाध्यक्ष, १०३ वडाध्यक्ष, ११८ महिला सदस्य, ११३ दलित महिला सदस्य, २१९ खुला सदस्य लोसपाले जितेको छ ।

राजेन्द्र लिङ्देनको नेतृत्वमा हौसिएको राष्ट्रिय प्रजातन्त्र पार्टीले भने हल्लाखल्ला भएजस्तो स्थान हासिल गरेको देखिएको छैन । उसले ३०५ पद हासिल गरेर सातौं स्थानमा चित्त बुझाएको छ ।

जसमा ३ मेयर, १ गाउँपालिका अध्यक्ष, २ उपमेयर, २ गाउँपालिका उपाध्यक्ष, ६२ वडाध्यक्ष, ५४ महिला सदस्य, ५४ दलित महिला सदस्य र १२७ खुला सदस्य जितेको छ ।

राष्ट्रिय जनमोर्चाले यसपटक १५९ पद जितेर आठौं स्थान हासिल गरेको छ । गण्डकी र लुम्बिनी प्रदेशबाट मात्रै उसले उक्त पद जितेको हो । जसमा मेयरमा २, गाउँपालिका अध्यक्षमा २, उपमेयरमा १ र गाउँपालिका उपाध्यक्षमा २ पद ठाउँमा जितेको छ ।

यस्तै २६ वडाध्यक्ष, ३१ महिला सदस्य, ३३ दलित महिला सदस्य र ६२ खुला सदस्य पद राष्ट्रिय जनमोर्चाले जितेको छ ।

त्यस्तै टीकापुर घटनामा दोषी देखिइ थुनामा रहेका रेशम चौधरीको नागरिक उन्मुक्ति पार्टीले पहिलो निर्वाचनमै नवौं स्थान हासिल गरेको छ । उसले कैलाली दुई नगरपालिका र दुई गाउँपालिकाको नेतृत्व जित्दा समग्रमा ९९ पद जितेको छ । जसमा २ मेयर, २ गाउँपालिका अध्यक्ष, १ उपमेयर, २ गाउँपालिका उपाध्यक्ष, १४ वडाध्यक्ष, १९ महिला सदस्य, १८ दलित महिला सदस्य र ४१ खुला सदस्य पद जितेको छ ।

पृथकतावादी धार छाडेर मूलधारको राजनीतिमा आएका सिके राउतको जनमत पार्टीले ९६ पद जित्दै दशौं स्थानमा देखिएको छ । उसले १ गाउँपालिका अध्यक्ष, १ मेयर, १ गाउँपालिका उपाध्यक्ष जितेको छ । यस्तै १९ वडाध्यक्ष, १९ महिला सदस्य, १८ दलित महिला सदस्य र ३७ खुला सदस्य सो पार्टीले जितेको छ ।
यस्तै त्यसपछि नेपाल मजदुर किसान पार्टीले ८४ पद जित्दै ११ औं, हृदयेश त्रिपाठीको जनता प्रगतीशील पार्टीले २१ पद जित्दै १२ औं, तराई–मधेस लोकतान्त्रिक पार्टीले १२ पद जित्दै १३ औं स्थान बनाएका छन् ।

यस्तै वैकल्पिक राजनीतिको नारा बोकेर आएका रवीन्द्र मिश्रको विवेकशील साझा पार्टी ११ पद जित्दै १४ औं स्थानमा थन्किएको छ । उसले एक गाउँपालिका अध्यक्ष, १ उपाध्यक्ष, २ वडाध्यक्ष, २ महिला सदस्य, एक दलित महिला सदस्य र ४ खुला सदस्य जितेको छ ।

यस्तै देशैभर ३८५ जना स्वतन्त्रबाट निर्वाचित भएका छन् । जसमा ७ मेयर, ६ गाउँपालिका अध्यक्ष, २ उपमेयर, २ गाउँपालिका उपाध्यक्ष, १३७ वडाध्यक्ष, ५८ महिला सदस्य, ५५ दलित महिला सदस्य, ११९ खुला सदस्य छन् ।

देशैभर कुन दलले कति जिते ?

प्रदेशअनुसार नतिजा विवरण

प्रदेश नम्बर १
महानगर १, उपमहानगर २, नगरपालिका, गाउँपालिका ८८
वडा संख्या– ११५७

मधेस प्रदेश
महानगरपालिका १, उपमहानगरपालिका ३, नगरपालिका ७३, गाउँपालिका ५९
वडा संख्या– १२७१

बागमती प्रदेश

३ वटा महानगरपालिका, १ उपमहानगरपालिका, ४१ वटा नगरपालिका, ७४ गाउँपालिका गरी ११९ स्थानीय तह

वडा संख्या– ११२१

गण्डकी प्रदेश
१ महानगरपालिका, २६ नगरपालिका, ५८ गाउँपालिका
वडा संख्या– ७५९

लुम्बिनी प्रदेश
उपमहानगरपालिका ४, नगरपालिका ३२, गाउँपालिका ७३
वडा संख्या– ९८३

कर्णाली प्रदेश
नगरपालिका २५, गाउँपालिका ५४
वडा संख्या– ७१८

सुदूरपश्चिम प्रदेश 
उपमहानगर १, नगरपालिका ३३(एकमा बाँकी), गाउँपालिका ५४
वडा संख्या ७३४ (१० वडाको बाँकी)


प्रतिक्रिया

Leave a Reply

Your email address will not be published. Required fields are marked *

सम्बन्धित खवर