विद्यासुन्दर र सुनिताको वडामा एमाले विजयी, मेयरमा कसलाई कति ? – Nepal Press

विद्यासुन्दर र सुनिताको वडामा एमाले विजयी, मेयरमा कसलाई कति ?

काठमाडौं । काठमाडौं महानगरको वडा नम्बर २१ मा नेकपा एमालेको प्यानल विजयी भएको छ ।

पूर्व मेयर विद्यासुन्दर शाक्य र हालकी उपमेयर उम्मेदवार सुनिता डंगोलले भोट हालेको वडा हो ।

यस वडामा ४४१४ मत खसेकोमा एमालेका वडाध्यक्ष उम्मेदवार चूडामणि बज्राचार्यले २००१ मत ल्याएर विजयी भएका छन् । कांग्रेसका मधुसूदन प्रधानले १५१३ मत प्राप्त गरे ।

मेयरमा सबैभन्दा बढी भोट एमालेलाई परेको छ ।

एमालेका केशव स्थापितले १६७२ मत प्राप्त गर्दा दोस्रो स्थानमा कांग्रेसकी सिर्जना श्रेष्ठले ११८५ भोट ल्याइन् ।

स्वतन्त्र उम्मेदवार बालेन साहलाई ६९५ भोट परेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर