तिलोत्तमामा कांग्रेसको अग्रता कायमै – Nepal Press

तिलोत्तमामा कांग्रेसको अग्रता कायमै

रूपन्देही । गृहमन्त्री बालकृष्ण खाँण र एमाले नेता घनश्याम भुसालको गृहपालिका रुपन्देहीको तिलोत्तमा नगरपालिकामा गठबन्धनको तर्फबाट नेपाली कांग्रेसका उम्मेदवारले निरन्तर अग्रता लिएका छन् ।

गणना भएको ४२ हजार ७१४ मतको परिणाम सार्वजनिक गर्दा गठबन्धनको तर्फबाट उम्मेदवार बनेका नेपाली कांग्रेसका रामकृष्ण खाँण ८६५ अगाडि छन्।

खाँणले १६,६४६ मत ल्याउँदा नेकपा एमालेका उम्मेदवार मोहन चापागाईंले १५ हजार ७८१ मतका साथ पछ्याईरहेका छन्।

२२ हजार मतगणना सम्पन्न भएदेखि निरन्तर अगाडि रहेका खाँणले मंगलबार बिहान ५ः१५ बजे सार्वजनिक भएको नतिजामा १६ हजार ६सय ४६ मत पाएका छन्।

उपप्रमुख पदमा भने एमालेको तर्फबाट उम्मेदवार बनेकी जागेश्वरी दोब्बर मतले अगाडि छन्। चौधरीले १५ हजार ४३७ मत पाउँदा गठबन्धनका तर्फबाट उम्मेदवार बनेका हेमन्त पाण्डेले ८ हजार ८२० मत पाए।

तिलोत्तमा नगरपालिकामा हालसम्म वडा नं १, २, ३,४,५,१३,१४ १५,१६र १७ नं वडाको अन्तिम परिणाम आइसकेको छ। ती वडा मध्ये वडा नं १,४र १५ मा नेकपा एमालेले जितेको छ भने वडा नं २,३,५,१३,१४, १६ र १७ मा नेपाली कांग्रेसले जितेको छ।

प्रतिक्रिया

Leave a Reply

Your email address will not be published.

सम्बन्धित खवर