भरतपुरमा चार वडाको मत गणना गर्न बाँकी – Nepal Press

भरतपुरमा चार वडाको मत गणना गर्न बाँकी

चितवन । भरतपुर महानगरपालिकामा अब चार वटा वडाको मत गणना गर्न बाँकी रहेको छ ।

महानगरका २९ वटा वडामध्ये २५ नम्बर वडासम्मको मत परिणाम आइसकेको छ भने २६ र २७ को गणना भइरहेको छ ।

भरतपुर महानगरमा एक लाख २७ हजार ८३९ मत खसेकोमा हालसम्म एक लाख १६ हजार ३६६ मत गणना सकिएको छ ।

गणना सकिएका वडाहरूमा महानगर प्रमुख र उपप्रमुखमा गठबन्धनका उम्मेदवारहरू अग्रस्थानमा रहेका छन् ।

महानगर प्रमुखमा नेकपा (माओवादी केन्द्र)की रेणु दाहालले नेकपा (एमाले) का विजय सुवेदीसँग ११ हजार ३८९ मत अन्तरले अग्रता कायम राखेकी छन् । दाहालले ४६ हजार ९३५ मत ल्याउँदा सुवेदीले ३५ हजार ५४६ मत प्राप्त गरेका छन् । स्वतन्त्र उम्मेदवार जगन्नाथ पौडेलले १४ हजार २४१ मत प्राप्त गरेका छन् ।

उपप्रमुखमा नेपाली कांग्रेसका चित्रसेन अधिकारीले ४७ हजार ८५८ मत प्राप्त गर्दा राप्रपाकी हमिला गुरुङले २७ हजार ८९९ मत प्राप्त गरेको मुख्य निर्वाचन अधिकृत कार्यालयले जनाएको छ ।

मङ्गलवार बिहानसम्ममा मतगणना सम्पन्न गर्ने गरी गणना भइरहेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर