ऐसेलुखर्कमा गठबन्धनविरुद्ध एमाले विजयी, कांग्रेसका बागी उठ्दा गिरेन्द्रले मारे बाजी
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/khotan-aauselukharaka-girendra.jpg)
दिक्तेल । खोटाङको ऐसेलुखर्क गाउँपालिका अध्यक्षमा नेकपा एमालेका गिरेन्द्रबहादुर राई विजयी भएका छन् । उनले गठबन्धनतर्फका माओवादी उम्मेदवार श्रीबहादुर राईलाई १२६ मतले पराजित गरे ।
गिरेन्द्रले २६०६ मत ल्याउँदा माओवादीका श्रीबहादुरले २४८० मत प्राप्त गरेको निर्वाचन अधिकृत रमाकान्त यादवले जानकारी दिए ।
कांग्रेसका ‘बागी’ उम्मेदवार सन्तवीर तामाङले १००७ मत प्राप्त गरेका छन् । गाउँपालिका सभापतिसमेत रहेका तामाङ बागी उठ्दा एमालेलाई सहज भएको हो ।
उपाध्यक्षमा गठबन्धनका उम्मेदवार नेपाली कांग्रेसका राजेश राजभण्डारी विजयी भए । उनले ३१४६ मत ल्याउँदा प्रतिद्वन्द्वी एमालेकी पुष्पकला भुजेलले २५९५ मत प्राप्त गरेकी छन् । भुजेल निवर्तमान उपाध्यक्ष हुन् ।