पाँचथरको कुम्मायकमा गठबन्धनका उम्मेदवार विजयी
नेपाल प्रेस
२०७९ जेठ २ गते ०:१६
फिदिम । पाँचथरको कुम्मायक गाउँपालिकाको अध्यक्ष र उपाध्यक्ष दुवै पदमा सत्तारुढ गठबन्धनका उम्मेदवार विजयी भएका छन् ।
कुम्मायक गाउँपालिकाको अध्यक्षमा नेपाली कांग्रेसका बमप्रसाद लावती र उपाध्यक्षमा माओवादी केन्द्रमा महेन्द्रबहादुर खड्का विजयी भएका हुन् ।
अध्यक्ष पदमा लावतीले नेकपा (एमाले)का भीमप्रसाद सम्बाहाम्फेलाई १२३ मत तथा उपाध्यक्षमा खड्काले एमालेकै सीता आचार्यलाई २३ मतले पराजित गरेका हुन् । निर्वाचनको विस्तृत मतपरिणाम आउन बाँकी छ ।
यहाँ एमाले एक्लै चुनावी मैदानमा थियो भने गठबन्धनका कांग्रेस, माओवादी केन्द्र, एकीकृत समाजवादी र जनता समाजवादी पार्टीले चुनावी तालमेल गरेका थिए ।
कुम्मायकको वडा नं. १ मा जसपा र वडा नं. २ मा एकीकृत समाजवादीले वडाध्यक्ष जितेका छन् ।
बाँकी तीन वटा वडामा एमालेले वडाध्यक्ष सहित प्यानलमै विजय हासिल गरेको छ ।
नेपाल प्रेस
प्रकाशित: २०७९ जेठ २ गते ०:१६
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
