कुमाख गाउँपालिकामा माओवादीविरुद्ध कांग्रेस-एमाले गठबन्धनको जित
नेपाल प्रेस
२०७९ जेठ १ गते २१:४१
सल्यान । सल्यानको कुमाख गाउँपालिकाको अध्यक्षमा नेपाली कांग्रेसका मानबहादुर बुढाथोकी विजयी भएका छन् ।
बुढाथोकीले ४ हजार ५८ मत ल्याउँदा निकटतम प्रतिस्पर्धी नेकपा माओवादी केन्द्रका डिल्लीराज जैसीले ४ हजार १२ मत ल्याए ।
उपाध्यक्षमा भने नेकपा एमालेका लालबहादुर रावतले जित हासिल गरेका छन् । रावतले ४ हजार १ सय ४२ मत ल्याउँदा माओवादीकी धनसरा मल्लले ३ हजार ९ सय ४३ मत ल्याइन् ।
कुमाख गाँउपालिका नेकपा माओवादी केन्द्रका अध्यक्ष पुष्पकमल दाहाल प्रचण्डका स्वकीय सचिव रमेश मल्लको गृहपालिका हो ।
त्यहाँ माओवादीविरुद्ध कांग्रेस र एमालेले तालमेल गरेका थिए ।
नेपाल प्रेस
प्रकाशित: २०७९ जेठ १ गते २१:४१
प्रतिक्रिया
सम्बन्धित खवर
