फ्रेन्चाइज डान्स रियालिटी शो ‘सुपर डान्सर नेपाल’ शुरु हुने – Nepal Press

फ्रेन्चाइज डान्स रियालिटी शो ‘सुपर डान्सर नेपाल’ शुरु हुने

काठमाडौं । एडि रिलिजले पहिलो पटक अहिलेसम्मकै सबैभन्दा ठूलो तथा सर्वाधिक रुचाइएको भारतीय टेलिभिजन रियालिटी शो ‘सुपर डान्सर नेपाल’ नामक शो ल्याउने भएको छ ।

कम्पनीले प्रेस विज्ञप्ति जारी गर्दै ‘सुपर डान्सर नेपाल’ लाई सिघ्र गर्ने जानकारी दिएको हो ।

‘बालबालिकाको प्रतिभा प्रदर्शन गराउने अहिलेसम्मकै ठूलो भारतीय फ्रेन्चाइज शो नेपाली प्रतिस्पर्धी डान्सर खोजेर उनीहरुको क्षमता विश्वसामु प्रस्तुत गर्ने’ कम्पनीकी कम्युनिकेसन म्यानेजर रश्मी अग्रवालले दाबी गरिन् ।

उक्त शो को अडिसन देशका प्रमुख शहर पोखरा , इटहरी , हेटौंडा , बुटवल , नेपालगञ्ज , काठमाडौं र नेपाल बाहिरका नेपालीभाषी भएको ठाउँहरुमा समेत हुने आयोजकले जानकारी दिएको छ ।

शो को प्रोडक्सन टिममा भारतकै डान्स प्लस सिजन २ का उपविजेता नेपाली डान्स समुह वाइल्ड रिपर्ज रहेको आयोजकको भनाई छ ।

तिन जना निर्णयक मण्डल रहने शो ३० भागमा कान्तिपुर टेलिभिजनबाट बिहीबार र शुक्रवार प्रसारण हुने आयोजकले जानकारी दिएको छ ।


प्रतिक्रिया

Leave a Reply

Your email address will not be published. Required fields are marked *