स्थानीय निर्वाचन
मधेस प्रदेश : २१ राउन्ड हवाई फायर र १२ सेल अश्रु ग्याँस प्रहार, ८ मतदान केन्द्रमा मतदान अवरुद्ध
नेपाल प्रेस
२०७९ वैशाख ३० गते १८:११
काठमाडौं । मधेस प्रदेशका विभिन्न मतदान केन्द्रहरूमा भएका झडपपछि स्थितिलाई नियन्त्रणमा लिन प्रहरीले २१ राउन्ड हवाई फायर र १२ सेल अश्रु ग्याँस प्रहार गरेको छ ।
मधेस प्रदेश प्रहरी प्रवक्ता तुलबहादुर कार्कीका अनुसार सर्लाहीमा ६, पर्सा र रौतहटमा ५र५, बारामा ३ तथा सिराहा र महोत्तरीमा १र१ राउन्ड हवाई फायर भएको छ ।
रौतहटका ४, बाराका तीन र सप्तरीका एउटा मतदान केन्द्रमा मतदान रोकिएको प्रहरीले जनाएको छ ।
विवादका कारण मतदान फेरी सुरु हुन सकेको छैन । अन्य स्थानमा मतदान सुचारु रहेको प्रहरीले जनाएको छ ।
वर्षाका कारण रोकिएको मतदान सम्पन्न हुन अझै केही समय लाग्ने कार्कीले जानकारी दिए ।
नेपाल प्रेस
प्रकाशित: २०७९ वैशाख ३० गते १८:११
प्रतिक्रिया
सम्बन्धित खवर
