प्रधानमन्त्री देउवा मतदान गर्न भोलि डडेलधुरा जाने
नेपाल प्रेस
२०७९ वैशाख २९ गते १५:४४
कैलाली । नेपाली कांग्रेस सभापति तथा प्रधानमन्त्री शेरबहादुर देउवा भोलि मतदान गर्न डडेलधुरा जाने भएका छन् ।
२५ गते धनगढी आएका देउवा डडेलधुरा पुगेर फेरी आज धनगढी फर्किएका थिए ।
उनी भोलि मतदान गर्न डडेलधुरा जाने कार्यक्रम रहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वेदप्रकाश जोशीले जानकारी दिए ।
उनले गन्यापधुरा गाउँपालिकाको असिग्राम मावि रुवा खोलामा रहेको मतदान केन्द्र ‘ख’ बाट मताधिकार प्रयोग गर्ने भएका हुन् ।
उनी भोलि डडेलधुरा आउने कार्यक्रम रहे पनि समय तालिका भने अझै जानकारी नरहेको जिल्ला प्रहरी कार्यालय डडेलधुराले जानकारी दिएको छ ।
निर्वाचन कार्यालयका अनुसार गन्यापधुरामा कुल १० हजार ४१४ जना मतदाता छन् । यो गाउँपालिकामा १४ वटा मतदान केन्द्र छन्
नेपाल प्रेस
प्रकाशित: २०७९ वैशाख २९ गते १५:४४
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
