अक्षय कुमार अभिनित ‘पृथ्वीराज’ को ट्रेलर सार्वजनिक (भिडिओ) – Nepal Press

अक्षय कुमार अभिनित ‘पृथ्वीराज’ को ट्रेलर सार्वजनिक (भिडिओ)

मुम्बई । चन्द्रप्रकाश द्विवेदी निर्देशित र यशराज फिल्म्सद्वारा निर्मित अक्षय कुमारको आगामी फिल्म ‘पृथ्वीराज’ को ट्रेलर सार्वजनिक भएको छ।

चाहमना वंशका राजा पृथ्वीराज चौहानको जीवनमा आधारित यो एक ऐतिहासिक महाकाव्य युद्ध एक्शन ड्रामा फिल्म हो।

यसमा अक्षय कुमारले चौहान वंशका राजा पृथ्वीराज चौहानको भूमिका निर्वाह गरेका छन्। यसै फिल्मबाट बलिउडमा डेब्यु गरिरहेकी पूर्व मिस वर्ल्ड मानुषी छिल्लर अक्षयको साथमा संयोगिताको भूमिकामा देखिनेछिन् भने सञ्जय दत्त पृथ्वीराजको दृष्टिविहीन काकाको रूपमा र सोनू सूद पृथ्वीराजको वफादार साथी चन्द्रवरदाइको भूमिकामा देखिनेछन्।

ट्रेलरमा एक भव्य समारोहमा पृथ्वीराजलाई दिल्लीको शासकको रूपमा राज्याभिषेक गरेको र उनको बहादुरीका कथाहरूले संयोगितालाई कसरी जिते भन्ने विषयलाई झल्र्काको छ।

कोरोना महामारीका कारण ढिलाइको सामना गर्नुपरेको यो चलचित्र यहीँ जुन ३ मा रिलिज हुने भएको छ। चलचित्र तमिल र तेलुगु भाषामा पनि रिलिज हुनेछ । यसमा साक्षी तन्वर, आशुतोष र ललित तिवारीलाई पनि मुख्य भूमिकामा देख्न सकिने छ।


प्रतिक्रिया

Leave a Reply

Your email address will not be published. Required fields are marked *