अमेरिका सेटल हुने योजना छैन : वर्षा शिवाकोटी – Nepal Press

अमेरिका सेटल हुने योजना छैन : वर्षा शिवाकोटी

काठमाडौं । नायिका वर्षा शिवाकोटीले अमेरिकामा बस्दै आएका अशिष गेलालसँग हालै विवाह गरिन् ।

विवाहपछि श्रीमान आशिष अमेरिका फर्किसकेका छन् भने वर्षा नेपालमै छिन् । यो विछोड कहिलेसम्मलाई ?

शनिबार इन्स्टाग्राममा वर्षालाई एक फ्यानले सोधे– अब तपाईं अमेरिका बस्ने कि नेपाल ?

वर्षाले जवाफ दिइन्– श्रीमान जहाँ, म पनि त्यहीँ ।

वर्षाको यो जवाफले धेरैलाई उनी अमेरिकामै सेटल हुन लागेको भन्ने परेको छ । यस विषयमा नेपाल प्रेसले प्रश्न गर्दा उनले त्यस्तो सम्भावना अहिले नरहेको बताइन् ।

‘अमेरिका सेटल हुने योजना छैन,’ उनले भनिन् ।

त्यसो भए इन्स्टाग्राममा किन त्यसो भनिन् त ?

वर्षाका अनुसार उनका श्रीमान नै अमेरिकाबाट फर्किन सक्ने सम्भावना पनि छ । यदि नेपाल फर्किने भए दुवै सँगै हुने भए । वर्षा फ्यानहरु चाहन्छन् कि उनी स्वदेशमै रहुन् । विगतमा थुप्रै प्रतिभाशाली कलाकारहरु अमेरिका भासिए । त्यो क्रम पछिल्लो समय केही घटेको छ । बर्षाले पनि नेपाली चलचित्रमा धेरै योगदान दिन बाँकी नै छ नि ।

प्रतिक्रिया

Leave a Reply

Your email address will not be published.