प्रचण्डलाई ओलीले भने- देउवासँग रोएर मञ्च पाउनु भयो, बधाई छ

कैलाली । नेकपा एमालेका अध्यक्ष केपी शर्मा ओलीले माओवादी केन्द्रका अध्यक्ष पुष्प कमल दाहाल प्रचण्डले रोएपछि कांग्रेसले मञ्च दिएको बताएका छन् ।

धनगढीमा आयोजना गरिएको चुनावी आम सभालाई सम्बोधन गर्दै पहिलो दिन विराटनगरमा कांग्रेसले बोल्न नदिएको भन्दै चितवनमा बोल्न प्रचण्डले शेरबहादुर देउवालाई गुहारेको बताएका हुन् ।

‘हिजो उहाँहरूले विराटनगरमा बोल्न पाउनु भएको थिएन । आज चितवनमा बोल्न शेरबहादुरसँग रुनै प¥यो ’ ओलीले भने , ‘मेरो छोरीलाई भोट माग्न जाने मै बोल्न नपाउने भनेपछि कमसेकम मञ्चमा जान त पाउनु भयो ।’

माधव नेपाललाई लक्षित गर्दै ओलीले ३० गते पछि सबैको अवस्था थाहा हुने बताएका हुन् ।

‘एमालेलाई १५ वर्ष चुसेका व्यक्तिले एमाले लाई टर्च बालेर खोज्नु पर्छ भनेर भनेछन्’ ओलीले भने ‘टर्च बाल्नु पर्छ कि पर्दैन धनगढीमा हेर्न आउनु, ३० गते पछि थाहा पाउने गर्छौ कसलाई टर्च बालेर खोज्नु पर्छ ।’

उनले निर्वाचन पनि तत्काल गठबन्धन टुट्ने दाबी गरेका छन् ।

‘यो चुनावको परिणाम आएपछि गठबन्धनको हेर्नुहोला हालत के हुन्छ मैले अहिले धेरै नभनौँ बेहाल हुन्छ’ ओलीले भने, ‘चुनाव जित्ने कहीँ बाट होइन । एउटाले अर्कोलाई दोष लगायो अर्कोले अर्कोलाई दोष लगायो । जनताले भोट दिएको थाहा हुने होइन। अनि गठबन्धन विकाश तर्फ जान्छ । ’