ओली कुरौटेका शिरोमणि, म्वाइँ खाएपनि विष लाग्छ : श्रेष्ठ – Nepal Press

ओली कुरौटेका शिरोमणि, म्वाइँ खाएपनि विष लाग्छ : श्रेष्ठ

भरतपुर । जनता समाजवादी पार्टी नेपालका वरिष्ठ नेता राजेन्द्र श्रेष्ठले नेकपा एमालेका अध्यक्ष केपी शर्मा ओलीलाई ‘कुरौटेको शिरोमणि’ को संज्ञा दिएका छन् ।

भरतपुरमा गठबन्धनको चुनावी सभालाई सम्बोधन गर्दै नेता श्रेष्ठले एमालेलाई भोट दिनु भनेको बिरालोलाई दूध कुर्न राखेझैं हुने बताए ।

‘एमालेलाई भोट दिनु भनेको दूध कुर्न बिरालो राखेजस्तो हो । केपी ओलीलाई जिम्मा दिँदा संविधान, लोकतन्त्र र संघियता खान खोजेकोले हामीले गठबन्धन गरेका हौं’, श्रेष्ठले भने ।

उनले केही युवाहरु अझै भ्रममा परेर ‘केपी बा आई लभ यू’ भन्ने गरेको भन्दै भ्रमबाट मुक्त हुन आग्रह गरे । ‘कतिपय युवाहरू भ्रममा छन् । आई लभ यू केपी बा भन्छन् । सर्पले दूध खाएपनि विष लाग्छ, केपीले म्वाइँ खाएपनि विष लाग्छ । प्रतिगमनविरोध जहर , संघियता र संविधानविरोधी जहर केपी ओलीले खुवाइरहेका छन् । त्यसलाई चिर्नुपर्नेछ’ उनले भने ।

ओलीले अवसर पाउँदा काम नगरेको तर परिआए ‘सगरमाथामा धान फलाउने’ सम्मको गफ दिने गरेको श्रेष्ठको आरोप छ । भरतपुर मात्रै नभएर देशैभरी दीर्घकालीन गठबन्धन आवश्यक रहेकोमा श्रेष्ठले जोड दिए ।

प्रतिक्रिया

Leave a Reply

Your email address will not be published.

सम्बन्धित खवर