भरतपुरमा भाषण थाल्नुअघि रेनुले भनिन्- जय नेपाल !
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/05/renu-dahal-1.jpg)
काठमाडौं । भरतपुरमा अहिले सत्तारूढ गठबन्धनको चुनावी सभा भइरहेको छ ।
सभालाई नेपाली कांग्रेसका सभापति एवं प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपाल र नेपाली कांग्रेसका वरिष्ठ नेता रामचन्द्र पौडेललगायतका नेताहरूले सम्बोधन गर्ने कार्यक्रम छ ।
यसै चुनावी सभालाई भरतपुर महानगरपालिकाकी मेयरकी उम्मेदवार प्रचण्डपुत्री रेनु दाहालेले पनि सम्बोधन गरेकी छन् ।
सम्बोधनका क्रममा उनले ‘लाल सलाम’ भनेर अभिवादन नगरी ‘जय नेपाल’ भनेर अभिवादन गरेकी छन् ।
सभामा मन्तव्यको सुरुआतमा दाहालले शीर्ष नेताहरूलाई सम्बोधन गरेर अभिवादन गर्ने बेला भनिन्,‘…….मेयरको उम्मेदवारको हैसियतमा हार्दिक अभिवादन, जय नेपाल व्यक्त गर्न चाहन्छु ।’
त्यसपछि उनले आफ्नो मन्तव्य राखेकी थिइन् ।