सिर्जना सिंहसँग एक दिन (भिडिओ)

काठमाडौं । देश चुनावमय बनेको छ । जनताको अमूल्य मतलाई आफ्नो पोल्टोमा पारेर स्थानीय सरकारको बागडोर सम्हाल्न आतुर उम्मेदवारहरू हाल विकासका सुनौलो सपनालाई यथार्थमा परिणत गर्ने प्रतिबद्धता बोकेर घर– घरमा पुगी रहेका छन् ।

देशमा जब चुनावको माहोल छाउँछ तब काठमाडौं महानगर चर्चाको केन्द्रमा हुने गर्छ । संघीय राजनीतिक भएकाले काठमाडौंका चुनावी चर्चा केन्द्रमा रहनु स्वाभाविक हो ।

देशभरको चासोलाई मध्यनजर गर्दै काठमाडौंमा मेयर पदका लागि उम्मेदवारी दिएका हेबिवेटहरुको चुनावी माहोललाई जस्ताको त्यस्तै तपाईँहरू समक्ष प्रस्तुत गर्ने अभिप्राय बोकेर नेपाल प्रेसले चुनाव केन्द्रित भिडियो सिरिज ‘के छ माहोल’ ? सञ्चालनमा ल्याएको छ ।

जस अन्तर्गत आज काठमाडौंमा सत्तारुढ गठबन्धनको तर्फबाट मेयर पदको लागि उम्मेदवार बनेकी कांग्रेस नेत्री सिर्जना सिंहको घर– दैलो कार्यक्रममा देखिएको चुनावी माहोललाई पेस गरिएको छ । आम मानिसहरूको गुनासो, समर्थन र आलोचनालाई ग्रहण गर्दै घर–दैलोमा जुटेकी सिर्जना सिंहको के छ माहोल ? उनीसँगको कुराकानीसहित हामीले प्रस्तुत गरेका छौँ ।

भिडिओ :उमेश कार्की