झापा आइपुगे ओली, चार ठाउँमा सम्बोधन गर्ने
नेपाल प्रेस
२०७९ वैशाख २० गते १२:२९
फाइल तस्बिर ।
झापा । नेकपा एमालेका अध्यक्ष एवम् पूर्वप्रधानमन्त्री केपी शर्मा ओली गृहजिल्ला झापा आइपुगेका छन् ।
अध्यक्ष ओलीले झापाको चार स्थानका चुनावी सभालाई सम्बोधन गर्ने कार्यक्रम रहेको छ ।
नेकपा एमाले झापाका अनुसार आज भद्रपुरको ज्ञानुचोकमा ओलीले पहिलो सम्बोधन गर्नेछन् ।
यस्तै, हल्दिबारी १ गोल्धापमा साढे १ बजे, मेचीनगरको पासाङल्हामु हलमा ३ बजे, र बिर्तामोडमा साढे ४ बजे सम्बोधन गर्ने कार्यक्रम तय भएको एमाले झापा जिल्ला सचिव शिव ढुङ्गेलले जानकारी दिए ।
स्थानीय तह निर्वाचन आउन भने १० दिन बाँकी छ । अध्यक्ष ओलीलाई गृह जिल्लामा निर्वाचन जिताउन पाँच दलीय गठबन्धन र राप्रपाका कारण चुनौती थपिँदै गएको छ।
ओलीको गृहनगर दमकमा पाँच दलीय गठबन्धनले राप्रपासँग सहकार्य गरेको छ । जसले यसपटक एमालेलाई चुनौती थपिएको छ ।
अघिल्लो पटक झापाको स्थानीय तहमा पनि एमाले पहिलो दल बनेको थियो ।
नेपाल प्रेस
प्रकाशित: २०७९ वैशाख २० गते १२:२९
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
