माधव नेपालको वडाका कांग्रेस वडाध्यक्षको उम्मेदवारी देउवाको पत्रबाट खारेज

काठमाडौं । नेकपा एकीकृत समाजवादीका अध्यक्ष माधव कुमार नेपाल मतदाता रहेको काठमाडौं महानगरपालिका वडा नम्बर ३२ मा कांग्रेसका वडाध्यक्षको उम्मेदवारी सभापति शेरबहादुर देउवाको पत्रबाट खारेज भएको छ ।

नेपालको वडामा नेकपा एसकी वडाध्यक्ष उम्मेदवार सिता पराजुलीलाई समर्थन गर्न पटकपटक दबाब दिँदा पनि नरेन्द्रले उम्मेदवारी फिर्ता नलिएपछि देउवाले निर्वाचन अधिकृतको कार्यलयलाई पत्र पठाई उनको उम्मेदवारी खारेज गराएका हुन् ।

महानगर समितिका एक कांग्रेस पदाधिकारीले गठबन्धनमा महानगरपालिकाका वडाहरुको बाँडफाँट नभए पनि ३२ नम्बरका उम्मेदवारको मनोयनयन केन्द्रबाटै फिर्ता भएको जानकारी आफूहरुले पाएको बताए ।

नेकपा एसका अध्यक्ष माधव नेपालले आफ्नो वडामा कांग्रेस उम्मेदवार नउठाउन देउवासँग आग्रह गरेपछि गठबन्धनको मर्मलाई बुझ्नै पराजुलीको उम्मेदवारी खारेज गरिएको स्रोतले जनाएको छ ।

सो वडामा एमालेबाट हालकै वडाध्यक्ष नवराज पराजुली उम्मेदवार छन् ।