कुश्मामा कांग्रेसका मेयर र एमाले उपमेयरविरुद्ध परेको उजुरी बदर

काठमाडौं । पर्वतको कुश्मा नगरपालिकाका गठबन्धनको तर्फबाट मेयर उम्मेदवार रहेका रामचन्द्र जोशी र नेकपा एमालेको तर्फबाट उपमेयर उम्मेदवार स्वस्थानी रिजाल विरुद्ध परेको उजुरी बदर भएको छ ।

मेयरका उम्मेदवार जोशीका विरुद्ध मेयरका स्वतन्त्र उम्मेदवार गंगाधर पौडेल तथा उपमेयर उम्मेदवार रिजालका विरुद्ध गठबन्धन मार्फत उपमेयरका उम्मेदवार नेकपा माओवादीका नेता शंकर गिरीका प्रतिनिधि मीनराज केसी अविरलले मुद्दा दायर गरेका थिए ।

दुवै उजुरीमा दाबी गरिएको आरोप पत्रले उम्मेदवारी खारेज गर्न नसक्ने देखिएपछि उम्मेदवारी कायम भएको प्रमुख निर्वाचन अधिकृतको कार्यालय कुस्माले जनाएको छ ।

जोशीको नाममा स्थानीय नारायण माविको भवन निर्माणको काममा बेरुजु नदेखिएको र रिजालको हकमा पनि श्रीमानको हकमा मुद्दा परेका कारण श्रीमतीलाई त्यसले असर नपर्ने भन्दै उजुरी बदर गरिएको निर्वाचन कार्यालय कुस्माको भनाई छ ।