नेपालीलाई आफ्नो चलचित्र हेर्न आग्रह गर्दै टाइगर श्रोफकाे भिडिओ सन्देश
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/04/tiger-shroff.jpg)
काठमाडौं । पछिल्लो समय भारतिय चलचित्र निर्माणकर्ताहरुले नेपाललाई उत्कृष्ट व्यपारिक गन्त्वयको रुपमा लिँदै आएको देख्न सकिन्छ । फल्स्वरुप भारतिय कलाकारहरुले नेपालीहरुलाई आफ्नो चलचित्र हेरिदिन आग्रह गर्दै भिडिओ सन्देश जारी गर्ने परिपाटी पनि बढ्दै गएको छ ।
केही समय अगाडी आफ्नो चलचित्र हेरिदिन आग्रह गर्दै भारतिय कलाकार यश, वरुण धवन, अक्षय कुमार लगायतका कलाकारहरुले भिडिओ सन्देश जारी गरेका थिए भने हालै मात्र बलिउड कलाकार टाइगर श्रोफले पनि आफ्नो चलचित्र ‘हिरोपन्ती २’ हेरिदिन आग्रह गरेका छन् ।
उनले भिडिओ सन्देशमा भनेका छन्, ‘नमस्ते नेपाल मेरो फ्लिम हिरोपन्ती २, यही अप्रिल २९ देखी नेपालमा रिलिज हुँदै छ म सबैलाई सो फ्लिम हेर्दिन आग्रह गर्छु , म वाचा गर्छु कि यो फ्लिम हेरेर तपाईंले भरपुर मनोरन्जन प्राप्त गर्नु हुनेछ।’
टाइगर श्रोफ अभिनित उक्त चलचित्रमा तारा सुतारिया, नवजुद्दिन सिदिकी, अमृता सिङ्गलगायतका कलाकारहरुको अभिनय रहेको छ ।