कांग्रेसले महिलाको सम्मान गर्छ भन्ने प्रमाण हुन् सिर्जना सिंह : केन्द्रीय सदस्य बस्नेत

काठमाडौं । काठमाडौं महानगरपालिकामा सिर्जना सिंहलाई मेयरको टिकट दिएकोमा समग्र महिला हर्षित भएको कांग्रेसकी केन्द्रीय सदस्य अम्बिका बस्नेतले बताएकी छन् । उम्मेदवार सिंहको ‘संकल्प पत्र’ सार्वजनिक कार्यक्रममा बोल्दै उनले यस्तो बताएकी हुन् ।

‘सक्षम महिला नेतृलाई अगाडि सारेको छ । हामी अत्यन्त हर्षित भएका छौं,’ उनले भनिन्, ‘परिवर्तनको नेतृत्वमा महिलाहरूले भूमिका खेलेका छन् । जसको मूल्यांकन गरेर कांग्रेसले महिलालाई काठमाडौंजस्तो महानगरमा नेतृत्व दिएको छ ।’

सिंहको उम्मेदवारीले महिलाहरू दोस्रो दर्जाको नागरिक होइन भन्ने कथ्य प्रमाणित भएको बस्नेतले बताइन् ।

‘हामी भन्ने गर्थ्यौं महिलाहरू दोस्रो दर्जाको नागरिक होइन् । कांग्रेसले महिला नेतृलाई काठमाडौंजस्तो महानरमा महिलालाई नेतृत्व दिएर खुसीको काम गरेको छ,’ उनले भनिन्,‘कांग्रेसले महिलालाई सम्मान गर्छ, अस्तित्व स्वीकार गर्छ भन्ने प्रमाण हो ।’