विराटनगर महानगर : एमाले उपमेयरका उम्मेदवार कार्कीविरुद्ध उजुरी

विराटनगर । नेकपा एमालेको तर्फबाट विराटनगर महानगर उपमेयरमा उम्मेदवारी दिएकी शिल्पा कार्की विरुद्ध मुख्य उजुरी परेको छ ।

मंगलबार मुख्य निर्वाचन अधिकृतको कार्यालयमा जनता समाजवादी पार्टीका उपमेयर उम्मेदवार अरमेन्द्र यादवले उजुरी दिएका हुन् ।

मुख्य निर्वाचन अधिकृतको कार्यालय विराटनगरले कार्कीविरुद्ध उजुरी परेको पुष्टि गरेको छ ।

मुख्य निर्वाचन अधिकृतको कार्यालयका सूचना अधिकारी हेमराज बुढाथोकीले कार्कीको उम्मेदवारी खारेजीको माग गर्दै उजुरी परेको बताए ।

उनले कार्की विराटनगरस्थित कोशी अस्पतालको सञ्चालक समितिको सदस्य कायम रहँदा रहँदै महानगरको उपमेयरमा उम्मेदवारी दर्ता गरेको उजुरी दिएको निर्वाचन अधिकृतको कार्यालयले जनाएको छ ।