डोल्पाको काइके गाउँपालिकामा ३७ पदमा ३५ जनाको मात्र उम्मेदवारी
नेपाल प्रेस
२०७९ वैशाख १२ गते १९:०८
काठमाडौं । डोल्पाको एक गाउँपालिकाका सबै जनप्रतिनिधि निर्विरोध निर्वाचित भएका छन् ।
जिल्लाको काइके गाउँपालिकाका सबै जनप्रतिनिधि निर्विरोध निर्वाचित भएका हुन् ।
७ वटा वडा रहेको गाउँपालिकामा ३७ जना जनप्रतिनिधि निर्वाचित हुन पर्नेमा ३५ जना को मात्रै मनोनयन दर्ता भएको जिल्ला निर्वाचन कार्यालय डोल्पाका कम्प्युटर अपरेटर श्यामकुमार राईले जनाकारी दिए ।
उनका अनुसार वडा नं. २ र ३ मा दलित महिला सदस्यको मनोनयन नै परेको छैन ।
निर्विरोध हुने गाउँपालिका अध्यक्ष नेकपा एकीकृत समाजवादीका अंगकुमार राना र उपाध्यक्ष मिना राना सहित गाउँपालिकाका सबै वडा अध्यक्ष तथा वडा समिति सदस्यहरू रहेका छन् ।
राईका अनुसार जिल्लाको थार्काताङसुङ गाउँपालिका र से फोक्सुण्डो गाउँपालिका पनि निर्विरोध हुन सक्ने सम्भावना भए पनि पुष्टि भने बाँकी रहेको छ ।
नेपाल प्रेस
प्रकाशित: २०७९ वैशाख १२ गते १९:०८
प्रतिक्रिया
सम्बन्धित खवर
नेपाल अपडेट
ट्रेन्डिङ
लोकप्रिय (यो साता)
