वीरगञ्जको मेयरमा जसपाबाट सिंहको उम्मेदवारी दर्ता

जनकपुरधाम । वीरगञ्ज महानगरपालिकामा जनता समाजवादी पार्टीबाट मेयरका उम्मेदवार राजेशमान सिंहले मनोनयन दर्ता गराएका छन् ।

गठबन्धनमा भएको सहमति अनुसार वीरगञ्ज जसपाको मागमा परेको थियो ।

वीरगञ्जको आदर्शनगर रंगशालाबाट सिंहले उम्मेदवारी दर्ता गराउन बाजागाजासहित जुलुस निकालेर निर्वाचन अधिकृतको कार्यालय पुगेका थिए ।

उम्मेदवार सिंह चढेको गाडीमा जसपा अध्यक्ष उपेन्द्र यादव, मधेसका मुख्यमन्त्री लालबाबु राउत, संघीय सांसद प्रदिप यादव लगायतका नेताहरु थिए ।

उम्मेदवार मेयरले जनताको उत्साहजनक उपस्थितीले उत्साहित भएको र विजयी हासिल गर्ने विश्वास व्यक्त गरे ।

सत्ता गठबन्धनको तर्फबाट उपमेयर पाएका नेपाली कांग्रेसका इम्तियाज आलमले उम्मेदवारी दर्ता गराएका छन् ।