किरियापुत्रीले गरे एमालेबाट मध्यविन्दुको मेयरमा उम्मेदवारी दर्ता

चोरमारा । आमाको निधन भएर किरिया बसिरहेका भिमलाल अधिकारीले नेकपा एमालेबाट नवलपुरको मध्यविन्दु नगरपालिकाको मेयर पदको उम्मेदवारमा मनोनयन दर्ता गराएका छन् ।

मातृशोकमा रहेका अधिकारीले एमालेका तर्फबाट नगरपालिकाको उपमेयर, वडा अध्यक्ष, सदस्य लगायत कार्यकर्ताहरुको उपस्थितिमा निर्वाचन अधिकृतको कार्यालय पुगेर उम्मेदवारी दर्ता गराएका हुन् ।

अधिकारीले कोरा बसेकै अवस्थामा अलग्गै उभिएर उम्मेदवारी दर्ता गराएका थिए । एमालेबाट नगरपालिकाको उपमेयर पदमा पूर्णकला महतोले उम्मेदवारी दिएकी छन् ।

त्यस्तै वडा अध्यक्षहरुमा क्रमश वडा नं. १ मा रामकुमार पुरी, २ मा रामभक्त अधिकारी, ३ मा मान बहादुर महतो, ४ मा डिल्लिराम महतो, ५ मा गणेश पाठक, ६ मा लक्ष्मण पाठक, ७ मा मधुबिलास अधिकारी, ८ बिरेन्द्र चौधरी, ९ मा हिमाल सिं ठकुरी, १० मा रण बहादुर थापा, ११ मा कमल बकबल, १२ मा कान्ता कुमाल, १३ मा अर्जुन पंगेनी, १४ मा मिन बहादुर दर्लामी र १५ मा यम बहादुर केसीले मनोनयन दर्ता गराएका छन् ।