एमालेले रोल्पाका १० स्थानीय तहमा टुंग्यायो उम्मेदवार

काठमाडौं । नेकपा एमाले लुम्बिनी प्रदेश समितिले रोल्पाका १० स्थानीय तहमा आफ्ना उम्मेदवारहरूको टुंगो लगाएको छ । प्रदेश अध्यक्ष रामकृष्ण कँडेलले रोल्पा जिल्ला कमिटीलाई उम्मेदवारहरूको टुंगो लगाएको पत्राचार गरेका हुन् ।

सो पत्रअनुसार रुन्टिगढी गाउँपालिकाको अध्यक्षमा बालाराम बुढा र उपाध्यक्षमा हस्तमाली बाँठामगर, त्रिवेणी गाउँपालिकाको अध्यक्षमा कर्णबहादुर बाँठा र उपाध्यक्षमा जानकी बुढा, माडी गाउँपालिकाको अध्यक्षमा विजयकुमार घर्तीमगर र उपाध्यक्षमा अमृताकुमारी घर्तीमगर उम्मेदवार रहेका छन् ।

त्यस्तै गंगादेवी गाउँपालिकाको अध्यक्षमा रोशनकुमार वली र उपाध्यक्षमा निर्मलाकुमारी वली, परिवर्तन गाउँपालिकाको अध्यक्षमा गंगाराम बुढा र उपाध्यक्षमा सपना रोक्का, थवाङ गाउँपालिकाको अध्यक्षमा रवीन्द्र रोका र उपाध्यक्षमा शान्ति रोकामगर, सुनछहारी गाउँपालिकाको अध्यक्षमा जयप्रकाश बुढामगर र उपाध्यक्षमा पूर्मला खत्रीकाे उम्मेदवार टुंगाे लागेकाे छ ।

लुङ्ग्री गाउँपालिकाको अध्यक्षमा वीरबहादुर खड्का र उपाध्यक्षमा जुकमती बस्नेत, सुनिलस्मृति गाउँपालिकाको अध्यक्षमा खिमचन्द्र पुन र उपाध्यक्षमा तारा सेन उम्मेदवार बनाइएको छ ।

यस्तै रोल्पा नगरपालिकाको मेयरमा घनश्याम आचार्य र उपमेयरमा कृष्णीकुमारी गौतमलाई एमालेले उम्मेदवार बनाउने भएको छ ।