ताप्लेजुङमा पनि गठबन्धनसँग नेकपा एस रिसायो, सिंगल चुनाव भिड्ने चेतनावनी

काठमाडौं । ताप्लेजुङमा पनि गठबन्धनमा आबद्ध अरु दलसँग नेकपा एस रिसाएको छ । उम्मेदवार छनोटमा मनमौजी गरेको भन्दै नेकपा एस रुष्ट भएको हो ।

नेकपा एस ताप्लेजुङले एक विज्ञप्ति जारी गर्दै ‘परि आए एक्लै चुनाव लड्ने’ चेतावनीसमेत दिएको छ । गठबन्धनमा आबद्ध दलहरूले आफूहरूको असहमतिका बाबजूद मनमौजी ढंगले बैठक बसी मापदण्ड उल्लंघर गरी भागबण्डा गरेको भन्दै नेकपा एसले आपत्तिसमेत जनाएको छ ।

विज्ञप्तिमार्फत् गठबन्धनमा आबद्ध दलहरूले मापदण्ड विपरीतका गतिविधि कायम राखेको खण्डमा गठबन्धनबाट बाहिरिएर आफ्नो पार्टी अघि बढ्नेतर्फ दलहरूको ध्यानाकर्षण गरिएको छ ।

साथै नेकपा एस ताप्लेजुङले आफ्ना नेता, कार्यकर्ता एवं शुभेच्छुकहरूमा पनि गठबन्धनबाट बाहिरिएर अघि बढ्नुपर्ने स्थितिसँग सचेत हुन आग्रह गरेको छ।