राखेपका पूर्व उपाध्यक्ष तिम्सिना एमाले छाडेर नेकपा एसमा प्रवेश

काठमाडौं । राष्ट्रिय खेलकुद परिषदका पूर्व उपाध्यक्ष पिताम्बर तिमल्सिना नेकपा एकीकृत समाजवादीमा प्रवेश गरेका छन् । नेकपा एमालेमा क्रियाशील रहँदै आएका तिमल्सिना शनिवार नेकपा एसको केन्द्रीय कार्यालयमा आयोजित कार्यक्रममा प्रवेश गरेका हुन् ।

उनलाई अध्यक्ष माधवकुमार नेपाल,मुख्यमन्त्री राजेन्द्र पाण्डे लगायतका नेताहरुले स्वागत गरेका थिए । खेलकुद परिषदको उपाध्यक्षबाट बाहिरिएपछि उनी लामो समय अमेरिकामा बस्दै आएका थिए ।

सोही कार्यक्रममा अन्य व्यक्तिहरु पनि एमालेबाट नेकपा एसमा प्रवेश गरेको उपमहासचिव डा.गंगालाल तुलाधरले बताए। सोही कार्यक्रममा पिताम्बरकी बहिनी कल्पना तिमल्सिना पनि नेकपा एसमा प्रवेश गरेकी थिइन् ।

तस्बिर:  उमेश कार्की