यी हुन् सलमान खानको कन्सर्टमा प्रस्तुति दिने नेपाली सेलिब्रेटी

काठमाडौं । चर्चित बलिउड सुपरस्टार सलमान खानको आगामी महिना हुन गइरहेको ‘दबङ टुर’ कन्सर्टमा १ दर्जनभन्दा बढी नेपाली कलाकारहरुले पनी प्रस्तुती दिने भएका छन् ।

आयोजक कम्पनी ओडीसीले आज बिहीबार सलमानको कन्सर्टमा प्रस्तुति दिने नेपाली कलाकारको नाम सार्वजनिक गरेको हो।

ओडीसीका प्रबन्ध निर्देशक सिमान्त गुरुङले जानाकारी गराए अनुसार कन्सर्टमा शिव परियार, सुबानी मोक्तान , त्रिशला गुरुङ, सबीर श्रेष्ठ, रोहित शाक्य, सुशान्त केसी, संगीता दुलाल टुनाबेल थापा, स्वप्न सुमन , डिजे प्रेम र रेडमसले डिजेइङको सांगितिक प्रस्तुति रहने छ भने माला लिम्बु र मुना गौचनले नृत्य प्रस्तुत गर्ने छन् ।

यस बाहेक पनि अझ केही नेपाली कलाकार थपिन सक्ने आयोजकको भनाइ छ । जेठ १४ गते दशरथ रगंशालामा आयोजना हुने उक्त कन्सर्टमा नेपाली सेलीब्रेटीहरुले २ घण्टाभन्दा बढी समयको लागि प्रस्तुति दिने सिमान्तले बताए ।

कन्सर्टमा बलिउडका सुपरस्टार सलमान खानसँगै प्रभु देवा, सोनाक्षी सिन्हा, ज्याक्लिन फन्ड्यान्डिस, कट्रिना केफ गुरु रन्धवालगायतका कलाकारहरुको समेत प्रस्तुति रहने छ ।