प्रियंका चोपडाकाे छोरीको नाम मालती

मुम्बई । प्रियंका चोपडा र निक जोनस २०२२ जनावरी १५ मा सरोगेसीमार्फत छोरीका आमाबुवा बने। तर, दुवैले आफू छोरीको आमाबुवा बनेका हौं भन्ने पुष्टि भने गरेका छैनन् ।

अन्तर्राष्ट्रिय सञ्चरमाध्यमका अनुसार प्रियंका र निक छोरीको आमाबुवा बनेका छन् र उनीहरुले छोरीको नाम पनि राखेका छन् । प्रियंकाले छोरीको नाम मालती म्यारी चोपडा जोनास राखेकी छिन् ।

उनीहरुले मालती म्यारी चोपडा जोनासको जन्मदर्ता गरिसकेको हलिउड पोर्टल टीएमजेडले जनाएको छ । यस जन्मदर्ताका अनुसार मालतीको जन्म जनवरी १५ मा क्यालिफोर्नियाको सान डिएगोमा राति ८ बजेपछि भएको थियो ।

मालती शब्द संस्कृतबाट आएको हो, यसको अर्थ सुगन्धित फूल र चाँदनी हो । भने म्यारी ल्याटिन भाषा स्टेला मारिसबाट आएको हो। यसको अर्थ समुद्री तारा हो। यसको एक बाइबलीय नाम पनि छ, जसको फ्रान्सेलीमा अर्थ मरियम, येशूकी आमा हो।

प्रियंका र निकले सामाजिक सञ्जालमार्फत आमाबुवा बनेको खबर सार्वजनिक गरेका थिए । प्रियंकाको बच्चाको जन्म चिकित्सकले दिएको समयभन्दा १२ साता पहिले नै भएको थियो ।