स्थानीय तह निर्वाचन : घोडाघोडीमा राप्रपाका यी हुन् उम्मेदवार

कैलाली । राष्ट्रिय प्रजातन्त्र पार्टीले आगामी स्थानीय तह निर्वाचनमा कैलालीको घोडाघोडी नगरपालिकामा उम्मेदवारको टुङ्गो लगाएको छ ।

राप्रपाबाट घोडाघोडी नगरपालिका प्रमुखमा निराज मल्ल सर्वसम्मत भएका छन् । मल्लकै नेतृत्वमा सोमबार वडाध्यक्षहरुको पनि उम्मेदवारी सार्वजनिक गरिएको हो ।

१२ वडामध्ये केही वडामा उम्मेदवार घोषणा गरिएको छैन । बाँकी रहेका वडाध्यक्ष र वडा सदस्यहरुको नाम वैशाख ८ गतेसम्म टुङ्गो लगाउने राप्रपा कैलालीले बताएको छ ।

घोषणा गरिएअनुसार वडा नम्बर ३ मा रामनाथ चौधरी अध्यक्ष उम्मेदवार बन्ने भएका छन् । अन्यमा सहमति हुन सकेको छैन । ४ नम्बरको अध्यक्षमा बमबहादुर बुढा, महिला सदस्यमा गौरा कठायत, दलित सदस्यमा सीता बिक र सदस्यहरुमा गणेश रतौकी, देवराज बुढा रहेका छन् ।

५ को अध्यक्षमा देवबहादुर नेगी र दलित महिलामा भजना पार्की रहेका छन् । ८ को अध्यक्षमा खडकबहादुर बम, महिला सदस्यमा पवित्रा ओली र सदस्यहरुमा गङ्गाराम जैसी र गोविन्द बम रहेका छन् ।

वडा नं १० को अध्यक्षमा सुरेशकुमार कठायत, सदस्यमा चेतराम चौधरी र दीपक बमले उम्मेदवारी घोषणा गरेका छन् । ११ को वडा अध्यक्षमा नवीनप्रकाश उपाध्याय र १२ को अध्यक्षमा डेबिट कठरिया, सदस्य राजेश बखरिया, कालीचरण चौधरी र महिला सदस्यमा फागुनीदेवी चौधरी हुने भएका छन् ।

नगर प्रमुखको उम्मेदवारी घोषणा गर्दै मल्लले शिक्षा १२ कक्षासम्म निःशुल्क गर्ने बताए । स्वास्थ्यतर्फ निःशुल्क एम्बुलेन्स र नगर बसको व्यवस्था गर्ने उनले जानकारी दिए । किसानका लागि मलको सहज व्यवस्थापन, बजारीकरण र कृषि समस्या समाधान गर्ने मेयरका प्रत्यासी मल्लले बताए ।